WENDE NYASAYE 307-283

1 Yesu wabiro iri tinende, Wakulore nyimi, bi gwedhwa koro.           Wasayoi koro, Yesu, Jawarwa,           Batisowa koro, Gi Muya Maler. 2 Wayuak e nyimi, wenwa kethowa; Iluokwa gi rembi, Rembi ma nochwer. 3 Koro wanawe kitwa maricho; To kit Yesu Kristo wamako tinde. 4 Dwond Muya Maler, wuoyo e chunywa; Onego wawinje ni mond` ogwedhwa. 5 Waheri, wageni, Nyarombo motho; Wapaki, wadendi, Amin, gi Amin. (Amina)

1 Ruodha, dak ipogna kuon mar ngima, Kaka nipogo kuon ni jo machon; Asomo Wachni, Ruoth, kadwaroi; Chunya ogomboi, Wach Mangima. 2 Gwedh Wachni, koro Ruoth, masewinjo; Kaka nigwedho kuon ni jo machon; Pidha gi Wach mari, ayud teko; Eka nayud kuomi konyruok duto. 3 Wecheni gin ngima, Miwachona; Adwaro timogi to an ayom, In kende, konyruokna; In ngimana kawinjo wachni, Ruoth nalo lwenj chuny. (Amina)

1 Yesu Ruoth, nisethona, Geng`a kik atim richo; Rembi ma nochwer e yath, Pi ma nowuok e ng`eti, Mond` oluok richo kuoma, Opwodha abed maler. 2 Tich mar lueta ok dinyal chopo chik kak` idwaro; Kindana kod tekona, Kata ka pi wang`a chwer, Ok nyal gola e richo, Mak mana In kendi, Ruoth. 3 Aonge gi ma dagen, To mana msalapi, Ruoth; Abiro mond` iruaka, An ageno ng`wononi; Jawarna, abironi, Luoka mondo kik atho. 4 Chieng`no ma niwir e piny, Ka aseloyo richo, Nadhi kodi e polo, Ananeni e kom duong`; Yesu, In e Lwandana, Anageni nyaka chieng`. (Amina)

1 Winjuru tinde dwond Jakwath, Otieko dhi e thim malich; Ni mond` oluong rombe molal; Chunye nomor konwang`ogi.           Keluru, keluru Rombe Yesu, moserwenyo;           Keluru, keluru, Kelgiuru kak` ochiko. 2 Koro giyuak marach e thim, To gik maricho ni kuno; Ng`a ma nodhi konyo Jakwath Ni mond` omany duto molal? 3 Yesu noa polo malo, Nochandore marach e piny; Rembe nochwer mond` owarwa, Wan rombe Yesu molal. 4 Rombe mamagi pod olal, Ma pok odonjo e kwedhe; Winjuru wach Yesu tinde, "Dhiuru manyo rombega." (Amina)

1 Wabiro iri, Yesu, Kwakelo nyithindwa, Ni mond` igwedhgi koro, Ka podi gitindo. 2 Dwakwayi ang`o, Ruodhwa, Moneg` igwedhgi go? Wasayi mond` iritgi Kuom temruok ma nie piny. 3 Ok dak wakwayi mwandu, mamayo chuny ji kuwe; To migi chuny mageno gikeni mar polo. 4 To rieko moa malo, bende paro maler, Gi chuny mamuol mokonyo Jogo machandore. 5 Teko mar lwenje pinyni, wasayi, migi, Ruoth; Mondo gikedi pile, Satan kik ologi. 6 Ritgi ka pod gidongo, teggi e wang`yori; Eka wanamor kodgi E pinyruoth mosiko. (Amina)

1 Hera mamiyowa mor, Hera maloso chuny, Omiyowa bedo mang`won; Gi ji duto pile.           En hera;           wan nyithindo mage,           En hera; wabedo kaka En;           Wabedo gi chuny mar hera;           Kaka Nyasaye Wuonwa;           Ruoth Yesu osechikowa,           Waherore kama. 2 E piny ka nitie kuyo, Chandruok, gi keth, gi tho; Chuny mar hera nyalo hoyo, Jo madwaro konyruok. 3 Chieng` koduogo e pinyni, Mond oterwa polo; Wanawer kuno nyaka chieng`, Hera mar Ruoth Yesu. (Amina)

1 An to amor ngang`, Wuonwa me polo; Ohero nyithinde duto e piny; Onge moro maromo herane, Hera Nyasaye e moloyo duto.  An amor ngang`, to Yesu `hera, Yesu `hera, Yesu `hera; An amor ngang`, to Yesu `hera, Yesu oheroa. 2 Ka wiya wil kendo ka aruenyo, Pod ohera kendo oluonga; To anaduog ir Ruoth Jakonya, Kahingo ka Yesu oheroa. 3 Hera e momiye tho Kalwari, Hera e momiye manyowa ka; Chieng` moro wanawer wer e polo, Kaka ne Yesu ohero jopiny. (Amina)

1 Yesu, In Osiep nyithindo, Bedi Osiepna; Mak lueta, ibedi koda Kawuotho. 2 Puonja mond` atim makare, To ayom chutho; Ne In nyathi, e momiyo Ing`eyo. 3 Taya pile, Yesu Kristo, To ing`eyo yo; An akia, an afuwo; Naruenyo. 4 Bedi koda, kik iweya, In e Osiepna; Anadwari pile pile Nyaka chieng`. (Amina)

1 An ayie Ruoth Yesu koro, An ayiee gi chunya; Osewacho e wach mare mondo nyithindo dhine.           Yesu `hera, Yesu `hera,           Ee, ohera ang`eyo;           Yesu notho mond` owara,           E momiyo ahere. 2 Anadhi ka ma odwaro, Analu bang`e pile. Kat` an nyathi, ee anyalo, To Yesu otelona. 3 Entie pile mond` okonya, Kik Satani oloya; Ka abedo bute pile, Anyalo timo maber. (Amina)

1 Yesu ma ni malo winj alamwa ka, Ka wakulore nyimi, Ka wapakoi. 2 Kata In Ruodh polo, Ng`a maler chutho, To imor kiwinjo Wende nyithindi. 3 Podi wan nyithindo, Waonge teko; Yesu, wuothi kodwa, Kwaluwo yori. 4 Igeng`wa e temruok, Iritwa pile; Ket hera e chunywa, Golnwa kethrukwa. 5 Chieng` Yesu koluongowa Wanayie gi mor; "Ee, Ruodhwa wabiro, Wanadhi kodi." (Amina)

1 Yesu ka noa polo mond` otho ni ji me piny, Noparo e ng`wonone, Nyithindo ka wan. 2 Mon nomanyo Jawarwa, Kwonde ka ma nopuonje; Ne gikelo nyithindgi, Nyithindo ka wan. 3 Yesu nobiro e piny, ni mond` owar jo molal; Yesu e mokonyowa, Nyithindo ka wan. 4 Nyithindo, hereuru, Ka utimo tich maber; Pakeuru, Yesu Ruoth, To wan nyithinde (Amina)

1 Wan nyithind Ruodhwa Yesu, Ruoth Yesu e polo; Wan nyithind Ruodhwa Yesu, To wawer wawuotho. Ka Yesu otelonwa, to ok wanaluor gimoro; Ka waluwo bang` Yesu, wanawer kwawuotho. 2 Wan wamako yor thurwa, Ka maber, ka maler; Wan wamako yor thurwa, To wawer kwawuotho, Wadhi dala mar Nyasaye Ka ma mudho onge chutho, Nikech Yesu ni lerne; To wawer kwawuotho. 3 Mor Nyasaye pong`o chunywa Ka wadhi e polo; Mor Nyasaye, pong`o chunywa, Ee, wamor moloyo. Nyaka wuodhewa norum Nyasaye nobedi Jakonywa; Nyaka wadonjie polo wanawer kwawuotho. (Amina)

1. Luetega noti tich mar Ruoth Yesu, lewa bende nahulego; Itega nowinj puonjne kende, Gi dwonda to napak Kristo.           Wabiro, wabiro, ni Yesu ma Ruoth nyithindo;           Wabiro, wabiro, En oherowa. 2 En nomiya tiendega ariyo, mondo awuoth e yo maber; Wenge mabeyo ango bende, nasom Biblos ndalo duto. 3 Kendo Yesu Kristo ma Jawarwa, odwaro chunya tinende; Berna katimo tichne pile, ber kamiye ringra chutho. (Amina)

1.  Chon nyithindo nower wer mamit, Ka ne gipako Yesu Ruodh polo; "Hosana, Hosana, Hosana e polo Vivo malo."           Weruru, weruru,           Nyithindo mondo giwer wendgi mamit;           Weruru, weruru Yesu ohero winjo wer. 2 Yesu pod ohero winjo wer, Koro kwapake, Yesu Ruodh Polo; "Hosana, Hosana, Hosana e polo malo." 3 Wabiro wero wer mamit chutho, gi jo mowar, eka wanamor ngang`; "Hosana, Hosana, Hosana e polo malo." (Amina)

1. Ruodha, dak imiya tich, An ahero tiyoni; Kat` aonge teko ngang`, to agombo tichni, Ruoth; Kata luetena tindo, tich matindo anyalo.           Ruodha, dak imiya tich, an ahero, tiyoni. 2 Puonja, Ruoth, ka pod atin, weche kitapi maler; Konya mond` aluwi chuth, kendo ang`e dwaroni; Kaw chunya gi luetena, We atini, Ruoth mang`won. 3 Konya ndalo duto te, mond` atim gik mabeyo; Rit lewa gi luetena, chunya mond` ogeni chuth; Taya pile kawuotho, kik abar e wang`yori. (Amina)

1 Winjuru yuak senti, Ka wabologi; Duto gin mag Yesu, Mar konyo tichne.           Kingli, kingli, kingli, Ka gilwar e san;           Gin duto mag Yesu, Okwano duto. 2 Ndalo mar Sabato to wakelo mich; Ni osiepwa Yesu, En moherowa. 3 Podi wan nyithindo, Mwandu ongenwa; Kwadoko madongo Wanamedne mich. 4 Kata pesa noknwa,Wachiwne hera; Oyie mich mar chunywa, Kendo morgo chuth. (Amina)

1 Nende aluoko lueta, Mondo gibed maler; Kendo giti ni Yesu saa duto tinende.           Onego aritra Kwonde madhiye,           Mond` ati ni Yesu tich maber kende. 2 Ita ni mond` owinje E kinde duto te; Abed gi chuny mar timo tich ma nyathi nyalo. 3 Wang`a mond` orit lueta kuom duto matimo; Ni kik atim wach moro ma Yesu ok morgo. (Amina)

1 Yesu analu bang`i, Asewinji kiluonga; Adwaro mond` itelna, Inyisa wang`yori.           Analu bang`i, analu bang`i,           Analu bang`i ka ma itelona. 2 Yesu, mak itelona, An abiro bayo yo; Ok ang`eyo wang`yori, In mondo itelna. 3 An kenda nanyap chutho, To di po kaol e yo; An ageno tekoni, Adwaro itelna. (Amina)

1 Yesu `hera, ang`eyo, to Biblos owachona; An nyathine, En mang`won, Kendo En ogwedho an.           Ee, Yesu `hera Ee, Yesu `hera,           Ee Yesu `hera, Biblos Owachona 2 Yesu `hera, ma notho mond` adonji e polo; Enowena kethona, kendo miya chuny maler. 3 Yesu `hera, ong`eyo kakuyo kata katuo; En Jakonya pile ka, orita ndalo duto. 4 Yesu `hera, En koda ndalo duto e piny ka; Ka ahere nyak` obi, chieng` notera dalane. (Amina)

1 Yesu `biro, Yesu `biro, ni mond` ochok joge; Joge duto, joge duto, moseyie nyinge.           Kaka sulwe me polo mineno gotieno,           Ginibed gi Yesu e polo maler. 2 Enochokgi, enochokgi, Nyithinde malong`o; Jo mabeyo, jo mabeyo, moseyie nyinge. 3 Wan nyithinde, wan nyithinde, mohero Jawargi; Enoomwa, enoomwa, wanadag kode. (Amina)

1 Nyasaye oneno ka winyo odwaro gore piny; Ka En ohero winyo cha, ang`eyo kohera. Oheroa, oheroa, ang`eyo kohera; Ka En ohero winyo cha, ang`eyo kohera. 2 Thiepe duto manie e piny, Nyasaye nochweyogi; Ka Nyasaye ohero thiepe, ang`eyo kohera. 3 Nyasaye olosogi duto, kendo oritogi; To an bende oparo an, ang`eyo kohera. (Amina)

1 Aher` ahinya mar chopo, e skul mar Sabato; Aher` ahinya mar chopo, e skul mar Sabato. 2 Aher` ahinya mar wero, weche mag Ruoth Yesu; Aher` ahinya mar wero, e chieng` mar Sabato. 3 Aher` ahinya mar chiwo, michna ni Ruoth Yesu; Aher` ahinya mar chiwo, e chieng` mar Sabato. 4 Aher` ahinya mar lamo, Yesu Ruoth Jawarna; Aher` ahinya mar lamo e chieng` mar Sabato. 5 Aher` ahinya mar ng`eyo, weche man kuom Yesu; Ahero ahinya mar ng`eyo e chieng` mar Sabato. (Amina)

1 Nyasachwa nochweyo gik moko machon; Ee, nochweyo duto kuom wachne kende. 2 Yien, gi lum, gi chiembwa, rech man nie nam, Winy duto mafuyo, En nochweyogi. 3 Chieng` machiwo lerne odiechieng` pile; Sulwe to gi dwe be marieny gotieno. 4 Dhano `loyo duto manochweyo chon; En onyalo hingo wach Nyasaye adier. 5 Paruru, nyithindo, weche mag Nyasaye; Chieng` unyalo donjo kama entieno. (Amin)

1 Pakeuru, un nyithindo duto, En hera, En hera; Pakeuru, un nyithindo duto, En hera, En hera. 2 Hereuru un nyithindo duto, En hera, En hera; Hereuru, un nyithindo duto, En hera, En hera. 3 Luweuru, un nyithindo duto, En hera, En hera; Luweuru, un nyithindo duto, En hera, En hera. 4 Un nyithindo, ruak Yesu e chunyu, En hera, En hera; Un nyithindo, ruak Yesu e chunyu, En hera, En hera. (Amin)

1 Bedo gi Yesu e dala, mano mor maduong`, Mano mor maduong`, mano mor maduong`; Bedo gi Yesu e dala, mano mor maduong`, Mano mor maduong`. 2 Ka Yesu ni e chuny wuoro, ot bedo mokuwe, Ot bedo mokuwe, ot bedo mokuwe; Ka Yesu ni e chuny wuoro, ot bedo mokuwe, Ot bedo mokuwe. 3 Ka Yesu ni e chuny miyo, ot bedo mokuwe,  Ot bedo mokuwe, ot bedo mokuwe; Ka Yesu ni e chuny miyo, ot bedo mokuwe, Ot bedo mokuwe. 4 Yesu e chuny nyithindo, ot bedo mokuwe, Ot bedo mokuwe, ot bedo mokuwe; Yesu e chuny nyithindo, ot bedo mokuwe, Ot bedo mokuwe (Amin)